الحقُّ أقول
الصيادلة الاعزاء
عن الإضراب أُحدّثكم
في كام نقطة عالسريع
1- ماينفعش بتاتا عارضة لأكثر من ثلث قوة العمل وإلا هيبقي انقطاع عن العمل يعاقب عليه القانون وطبع النقابة مش هتنفع شفاعتها ف الموضوع دا
2-الإضراب معناه اروح شغلي وأمضي حضور وأمتنع عن العمل مش اعمل عارضة زي ماقالو ودا خطأ من متخذي القرار مش هيلبسه غير الصيدلي
3-عندنا صيادلة ف الوحدات النهاردة وفيه حملة قومية للتطعيم يعني كدا كدا مفيش شغل واضرابنا محدّش هيحسّ بيه
الصيادلة الاعزاء
عن الإضراب أُحدّثكم
في كام نقطة عالسريع
1- ماينفعش بتاتا عارضة لأكثر من ثلث قوة العمل وإلا هيبقي انقطاع عن العمل يعاقب عليه القانون وطبع النقابة مش هتنفع شفاعتها ف الموضوع دا
2-الإضراب معناه اروح شغلي وأمضي حضور وأمتنع عن العمل مش اعمل عارضة زي ماقالو ودا خطأ من متخذي القرار مش هيلبسه غير الصيدلي
3-عندنا صيادلة ف الوحدات النهاردة وفيه حملة قومية للتطعيم يعني كدا كدا مفيش شغل واضرابنا محدّش هيحسّ بيه
4-عندنا كمان صيادلة ف المستشفيات وفيه اضراب ف المستشفيات للأطباء يعني مفيش صرف علاج يعني كدا كدا اضرابنا محدش هيحس بيه
5- لما الصيدلي زميلنا يغيب عن الوحدة الصحية الدنيا مش هتقف علي معاليه عشان هو استقلّ دوره ف المنظومة واعطي مفتاح للطبيب واخر للمرضة تصرف مكانه ف الازمات يعني لو مات ممكن مفيش حد يحسّ بغيابه
6-- لما عملنا قبل كدا إضراب كلنا كنا عارفين مين واقف معانا ومين عاوز يبوظه عشان العجلة تمشي
7- مشكلة الكادر كان ممكن تتحل في جلسة واحدة مع وزير الصحة ايام تظبيط الكادر لكن النقيب بتاعنا امتنع عن الجلوس مع حكومة انقلابية هو لا يعترف بها ولكنه الان يعترف بيها وعاوز ضغطه عشان الكادر
8- لما اعمل اضراب مع وجود كل النقط السابق ذكرها واقعد اهلل والم الدنيا واقول انا عامل اضراب وف نفس الوقت محدّش حسّ بتأثير الاضراب دا يبقي اكيد هطلع منه انا ونقابتي (اللي هي اساسا ضعيفة ) اضعف بكتييييييييييييير من ذي قبل وهينكسر ضهرنا كمان وكمان ولما اجي اعمل اضراب هيقولو سيبك منهم دول مالهمش تأثير يذكر
الخلاصة : لما اكون عاوز اعمل حاجة كويسة مالهاش اي غرض أخر يبقي لازم ادرسها صح وأنفّذها صحّ عشان الدنيا كلها ماتضحكش علينا اكتر ماهي بتضحك
أخيرا دا رأيي في موضوع الاضراب ودي النقط اللي كنت حابب أوضّحها لزمايلي ولمجلس النقابة ولكم كامل الحرّية في قراراتكم
ليست هناك تعليقات:
إرسال تعليق